Plantun de Prouvènço

Pèr coumpara dos planto d'encò nostre

Typha angustifolia & Avenella flexuosa

Fielouso

Typha angustifolia

Typhaceae

Àutri noum : Filouso, Paviho-negro, Cire, Sagno, Masseto.

Noms en français : Massette à feuilles étroites, Quenouille à feuilles étroites.

Descripcioun :
Ei pas toujour eisa de destria aquesto fielouso dis àutri paviho. Typha angustifolia a li fueio mens larjo (3-7 mm) aleva d'aquéli di rejit que podon èstre mai larjo (2 cm). A peréu d'auriheto bèn dessinado (fotò) enca qu'acò èi de vèire emé l'auturo de la fueio ! Lou mies es encaro la distànci que desseparo l'espigo masclo de la femelo que fai aperaqui 3,5 cm.

Usanço :
Li fueio de fielouso podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Grando erbo
Taio : 1 à 2 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 9 à 74 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Estang - Roubino - Ribiero
Estànci : Termoumediterran à Coulinen
Couroulougi : Bourealo
Ref. sc. : Typha angustifolia L., 1753

Coutelino(-amarinouso)

Avenella flexuosa

Poaceae Graminaceae

Noms en français : Canche flexueuse, Canche des montagnes.

Descripcioun :
La coutelino-amarinouso trachis au nostre dins li relarg séusous e pulèu umide, adounc subretout en mountagno. Es uno planto renadivo, en mato, que fai de grando e prìmi paumo de pichòtis espigueto de dos flour aristado. D'efèt, coume pèr li civado , la lemma porto, à sa baso, uno arèsto. La lengueto fai aperaqui 2 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Avenella
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 5-12 cm
Flourido : Printèms - Estiéu

Sòu : Si
Autour basso e auto : 0
Aparado : Noun
Mai à avoust

Liò : Fourèst - Pelouso - Champino - Terraire safrous
Estànci : Subremediterran à Aupen
Couroulougi : Subrecousmoupoulito
Ref. sc. : Avenella flexuosa (L.) Drejer, 1838 (= Deschampsia flexuosa (L.) Trin., 1836 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Typha angustifolia & Avenella flexuosa

ges

Coumpara Fielouso emé uno autro planto

Coumpara Coutelino(-amarinouso) emé uno autro planto